Friday, 5 August 2011

Karangan negeri 9

Pagi tu pagi Senayan. Mak ngan abah den takdo kek ghumah . Gi motong gotah kek kobon gotah. Tingga den, uwan den ngan adik den yang umo lapan taun yo kek ghumah. 

Tetibo yo dapo ghumah jighan den molotop!!!. Belango ngan kuali tohumban kek pintu paga. Uwan den yang tongah ngojoan kekabu tu, dek tergamang eh, biji kekabu di teghajang eh. Lobih sogonggam kekabu di kunyah eh. Den ngan uwan den bekoja nak nolong an jighan den. Umang aii, api nenek moyang bosa eh. Jangan kan nak nolong , dokek pun paneh. Tak ditolongkan jighan, kuk ditolongkan, awak lak moda. Den ngan adik den pun bertinggung lah kek pintu paga nunggu an api padam. Jighan den tah apo lah kabaan eh. Kok idup, ado lah. Tak lamo tu, jighan den pun balik. Ghupo eh dio gi bonda tengok anak eh tangkap ikan. Pueh den kobaan dapo eh tebaka, tak diapik eh. suko bona anak eh dapek ikan bosa. Polak nyawa den. 

Yo tak yo, den pun balik ghumah . Kojap tu, den dongar jighan den meghaung. Baghu perasan lah tu . Agak eh, dio nak masak ikan, gi dapo tengok dah hanguh. Kang kok dio datang ngadu kek ghumah den, mau yo den ghembat eh. Pueh den kobaan tadi. 

Tu lah cito sederhana ngoghi yang den tengok. Tapi tu pun dah lamooo. Maso den kocik. Tu pun uwan den yang cito. 
"KOK MONGAK WAN DEN, MONGAK LAH DEN" 

Perhatian : Ini adalah entry copy paste,tapi aku pun x pasti sape yang tulis sebenarnya :(...Aku yang original negeri 9 pun x paham sangat bahasa ni.hehe,memang pekat macam susu F&N ni...haha..mesti terbelit-belit lidah nak baca kan :) By the way,hope you enjoy reading it..

5 comments:

Syara Mohammad said...

i understand... =D

budakampung said...

arghh!! pening kepalee!!! @.@

Aziela said...

Hahhaa..pure sungguh... Memang original lidah n9 nie... Saya faham..hihihi...

CikMiMiey said...

aiyyyooo , tok bapo nok paham neh .. kikik ~

ingat lagi takk permainan ayat kat entry CM dulu ? feel free jenguk k,

http://cahayakeharumanku.blogspot.com/2011/08/ayat-ayat-yang-dibina-atas-kejujuran.html

SITI NOORNADIYANA said...

hai hai. yana dtg & follow sini thru segmen abg ben. yana pun ori n9 jugak. faham lagi karangan atas nih. :P